Nida Xəbər

Misir Mərdanov: Bunu bir nömrəli vəzifəm hesab edirəm

2 Oktyabr 2021 16:32

"Bu gün həyatımın ən xoş günüdür. Birincisi, bu gün yubileyimdir. Ömrümün 75-ci ilini başa vururam. İkincisi də, cənab Prezident İlham Əliyev mənə çox yüksək bir orden verdi".

Bunu Publika.az-a açıqlamasında keçmiş təhsil naziri Misir Mərdanov deyib.

Misir Mərdanov bildirib ki, bu təltif üçün prezidentə təşəkkür edir: "Publika.az vasitəsilə Prezidentə can sağlığı arzulayıram. Sonsuz minnətdarlığımı bildirirəm. Mənim sadə əməyimi çox yüksək qiymətləndirdiyinə görə təşəkkürümü çatdırıram. Ömrüm boyu dövlətimə, xalqıma, millətimə, cənab Prezidentin, Ali Baş Komandanımızın rəhbərliyi ilə Azərbaycan dövlətçiliyinə xidmət etməyimi də özümün bir nömrəli vəzifəm hesab edirəm. Cənab Prezident mənə elə bir orden verdi, sanki bununla dedi ki, sən ömrün boyu bu Vətənə xidmət etməlisən. Sizə də təşəkkür edirəm ki, məni unutmursunuz".

Tural Turan