Nida Xəbər

Erməni general Şuşaya görə həbs olundu – RƏSMƏN TƏSDİQLƏNDİ

1 Sentyabr 2022 12:11

Qondarma ”dqr”in “müdafiə ordusu”nun keçmiş komandanı Mikael Arzumanyan İrəvan ümumi yurisdiksiya məhkəməsinin qərarı ilə həbs edilib.

Publika.az xəbər verir ki, bu barədə onun vəkili Yerem Sarkisyan özünün “Facebook” səhifəsində bildirib.

“Gözlənildiyi kimi, məhkəmə öz missiyasını yerinə yetirdi və Mikael Arzumanyanı həbs etdi”, – vəkil qeyd edib.

Qeyd edək ki, avqustun 30-da Ermənistan İstintaq Komitəsi inisialları M.A olan yüksək rütbəli zabitin həbsi barədə məlumat yaymışdı. İstintaq Komitəsinin məlumatında M.Arzumanyanın 2020-ci ildə Şuşa şəhəri və ətraf rayonların müdafiəsinin təşkili zamanı səhlənkarlığa görə həbs edildiyi açıqlanmışdı. Erməni müstəntiqlərin fikrincə, M.Arzumanyanın səhlənkarlığı ağır nəticələrə və şəhərin Azərbaycan qoşunları tərəfindən tutulmasına (oxu: azad edilməsinə) səbəb olub.

Səxavət