ABŞ kəşfiyyatının keçmiş agenti Rusiya pasportu aldı

ABŞ xüsusi xidmət orqanlarının keçmiş əməkdaşı Edvard Snouden Rusiya pasportu alıb və and içib.

Publika.az xəbər verir ki, bu barədə onun vəkili Anatoli Kuçeren məlumat verib.

O əlavə edib ki, onun həyat yoldaşı da Rusiya pasportu üçün müraciət etməyə hazırlaşır. Vəkil onu bir gün əvvəl gördüyünü də qeyd edərək, Snoudenə hər şeyin qaydasında olduğunu deyib.

Snouden Rusiya vətəndaşlığını bu ilin sentyabrında qəbul edib. O, bu yolla ailəsinin sabitlik əldə etdiyini bildirib.

ABŞ Milli Təhlükəsizlik Agentliyi və Mərkəzi Kəşfiyyat İdarəsində işləyən Edvard Snouden 2013-cü ildə "The Guardian" və "The Washington Post" qəzetlərinin jurnalistlərinə ABŞ xüsusi xidmət orqanlarının ABŞ və digər ölkələrin vətəndaşlarını izləməsi proqramı ilə bağlı gizli sənədləri təhvil verdikdən sonra beynəlxalq qalmaqalın mərkəzinə düşüb. Bundan sonra o, ABŞ-dan qaçıb və eyni zamanda onlarla ölkədən, o cümlədən Rusiyadan siyasi sığınacaq istəyib. Snouden sonda Rusiyada qalmaq üçün icazə alıb.

Səxavət