Nida Xəbər

Bacısı "Toppuş bacı"nın vəsiyyətini açıqladı - VİDEO

22 Yanvar 2023 16:25

Xəbər verdiyimiz kimi, xərçəngdən əziyyət çəkən əməkdar artist Tünzalə Əliyeva vəfat edib.

Publika.az xəbər verir ki, Tünzalə Əliyevanın rəfiqəsi, aktrisa Ülviyyə Əliyeva Teleqraf.com-a açıqlamasında bu sözləri deyib:

"Hazırda Milli Onkologiya Mərkəzindəyik. Tünzalənin cənazəsi xəstəxanada morqdadır. Ailəsi də buradadır. Atasının Gəncədən gəlməsini gözləyirlər. Buradan Heydər məscidinə aparacaqlar. Sabah öz vəsiyyətinə əsasən Bakıda dəfn olunacaq. Yəqin ki, vida mərasimi olacaq".

O, mediaya açıqlamasında aktrisanın son sözlərini də qeyd edib.

"Yəqin ki, Xırdalan qəbiristanlığında dəfn ediləcək. Qızı Zəhra ziyarət edə bilsin deyə vəsiyyət edib ki, Bakıda dəfn olunsun. Sağalıb qayıdacam, yaşamaq istəyirəm… Son sözləri bu oldu… Uşağa hələ deməmişik", - deyə, bacısı bildirib.

Qeyd edək ki, Tünzalə Əliyevanın 49 yaşı var idi.