Zaur Şiriyev İrəvanda: “Zəngəzur dəhlizi” termini xof yaratmamalıdır

Azərbaycan Birləşmiş Ştatların Naxçıvana maneəsiz gediş-gəlişi asanlaşdırmaq üçün məsuliyyəti öz üzərinə götürməsini gözləyir.

Publika.az xəbər verir ki, bunu İrəvanda keçirilən “Orbeli Forumu: Sülh və çoxtərəfli əməkdaşlığın qurulması” mövzusunda Berlin Karnegi Mərkəzinin elmi işçisi Zaur Şiriyev deyib.

Bakının “maneəsiz keçid” ifadəsini necə başa düşməsi ilə bağlı jurnalistlərin suallarını cavablandıran Şiriyev qeyd edib ki, konkret detallar praktikada aydınlaşacaq.

"Bunun tam olaraq nə demək olduğunu söyləmək hələ tezdir - həyata keçirilərkən aydın olacaq", - Şiriyev deyib.

O, həmçinin əlavə edib ki, Azərbaycanda “Zəngəzur dəhlizi” termini “Ermənistanda geniş yayılmış təsəvvürün əksinə” mənfi məna daşımır. O izah edib ki, bu, təkcə TRIPP marşrutuna deyil, həm də regionda daha geniş nəqliyyat əlaqələrinə aiddir.

Şiriyev qeyd edib ki, səfərlərin formatları və üsulları müəyyən edilərkən avqustun 8-də imzalanmış, tərəflərin ərazi bütövlüyünü və mövcud sərhədləri qarşılıqlı şəkildə tanıdığını təsdiq edən Vaşinqton Bəyannaməsini nəzərə almaq lazımdır.

Tural