Azərbaycanda Ermənistandan nə gözləyirlər? - Bakıdan qayıdan Koçinyan açıqladı

Azərbaycan tərəfi qarşıdan gələn parlament seçkilərində Ermənistanı nə gözlədiyi ilə son dərəcə maraqlanır, çünki sülh prosesinin gələcəyi əsasən bu amildən asılıdır.

Publika.az xəbər verir ki, bunu "Sülh Körpüsü" təşəbbüsünün koordinatoru Areq Koçinyan aprelin 13-də Bakıdan qayıtdıqdan sonra jurnalistlərlə görüşündə bildirib.

“Bir tərəfdən, Ermənistan və Azərbaycan arasında sülh üçün kifayət qədər möhkəm, müəyyən edilmiş müqavilə, hüquqi və siyasi baza mövcuddur - artıq paraflanmış və imzalanmalı və təsdiqlənməli olan sülh müqaviləsi. Sərhədlərin delimitasiyası və demarkasiyası prosesi, komissiya nizamnamələri iki ölkə tərəfindən təsdiqlənib, bütün hüquqi prosedurlar başa çatdırılıb, komissiyalar formalaşdırılıb və fəaliyyət göstərir.

Buraya kommunikasiyaların açılması prosesi də daxildir ki, bunun üçün sənədlər artıq imzalanıb, ilk növbədə, əlbəttə ki, TRIPP. Hüquqi və müqavilə çərçivəsi və eyni zamanda müəyyən bir siyasi element mövcuddur ki, bunun sayəsində iki ölkə hökumətləri arasında bir-biri ilə işləmək üçün müəyyən səviyyədə imkan yaranıb.

Ermənistandakı seçkilərdə iştirak edən siyasi qüvvələrin qeyd etdiyim bütün çərçivəyə münasibətdə hansı mövqe və münasibət nümayiş etdirməsi çox vacibdir, çünki seçkilərdən sonra sülh və müharibə məsələləri əsasən Ermənistanda qalib gələn qüvvə tərəfindən həll olunacaq”, - deyə Koçinyan bildirib.

Müəllif: Tural