Nazirlikdən XƏBƏRDARLIQ: “Qiymət artımı görəndə bu nömrələrə zəng vurun…”

“İqtisadiyyat və Sənaye Nazirliyi yanında Antiinhisar Siyasəti və İstehlakçıların Hüquqlarının Müdafiəsi Dövlət Xidməti istehlak bazarında yoxlamaları davam etdirir”.

Bunu Publika.az-a açıqlamasında İqtisadiyyat və Sənaye Nazirliyinin mətbuat xidmətinin rəhbəri Abbas Əliyev deyib. O qeyd edib ki, artıq çörəyin və dərman pereparatlarının qiymətinin süni qaldırılması ilə bağlı tədbirlər görülüb: “Dərman preparatlarının qiymətlərinin artması barədə yayılan məlumatlarla əlaqədar bildiririk ki, görülmüş tədbirlər nəticəsində dərman preparatlarının satış qiyməti əvvəlki səviyyəyə qaytarılıb”.

İstehlak bazarında nəzarət tədbirlərinin davam etdirildiyini vurğulayan A.Əliyev qiymət bahalaşmasına yol verənlərin cəzalandırılacağını qeyd edib. O həmçinin süni qiymət artımı ilə qarşılaşanlara Antiinhisar Siyasəti və İstehlakçıların Hüquqlarının Müdafiəsi Dövlət Xidməti ilə əlaqə saxlamasını tövsiyyə edib: “Artımla qarşılaşanlar bu telefon nömrələri - 498 -15-01 498-15 -04 (195-2) ilə əlaqə saxlaya bilərlər”.

İqtisadiyyat şöbəsi