Pul

Dolların gələcək taleyi ilə bağlı PROQNOZ VERİLDİ

1 May 2023 08:12

Növbəti iclasda ABŞ Federal Ehtiyatlar Sisteminin rəhbərliyinin əsas uçot dərəcəsinin artırılması kursunu davam etdirəcəyi ehtimalı var. Bu isə dolların bahalaşa biləcəyi deməkdir.

Publika.az xəbər verir ki, bu tədbir daxili bazarda inflyasiyanın qarşısını almaq üçün lazımdır.

Bildirilir ki, mayın 3-də ABŞ Federal Ehtiyat Sistemi rəhbərliyinin növbəti görüşü keçiriləcək. Əsas faiz dərəcəsinin illik 5,25% səviyyəsinə qaldırılacağı gözlənilir. Hazırda göstərici 5% səviyyəsində saxlanılır.

Qeyd edək ki, hələ martın 7-də Federal Ehtiyatlar Xidmətinin rəhbəri Cerom Pauel bildirib ki, ABŞ inflyasiya ilə mübarizə üçün əsas faiz dərəcəsini artırmağa davam edəcək. (Oxu.az)