Dollar 2025-ci ilin əvvəlində maksimum bu qədər BAHALAŞA BİLƏR - Rusiyadan PROQNOZ

"2025-ci ilin əvvəlində dolların möhkəmlənməsi üçün limit 100 rubl səviyyəsidir".

Publika.az xəbər verir ki, bu proqnozu Gazeta.ru-ya iqtisad elmləri namizədi, Rusiya İqtisad Universitetinin qlobal maliyyə bazarları kafedrasının müdiri vəzifəsini icra edən G. V. Plexanova Svetlana Frumina verib.

“Bu, 100 rubl səviyyəsidir. Rubl/dollar məzənnəsinin dinamikasına ən çox üç amil təsir edir: getdikcə panikaya və valyuta spekulyasiyasına çevrilən investorların reaksiyası, neft və qaz ehtiyatlarının dəyəri və sanksiyaların məhdudlaşdırılması.

Xüsusilə geosiyasi gərginliyin artdığı şəraitdə bu amillərin dəyişməsini proqnozlaşdırmaq son dərəcə çətindir. Dolların məzənnəsinə təsir edəcək Amerika hakimiyyətinin siyasətinə də diqqət yetirmək vacibdir”, - Frumina qeyd edib.

Onun sözlərinə görə, ABŞ dövlət borcunun və ona xidmət xərclərinin nəzarətsiz artması, ödənişləri milli valyutalarla həyata keçirən ölkələrə ticarət ultimatumları, xarici ehtiyatların dondurulması dolların məzənnəsinə təsir edə bilər.

Dekabrın 17-də birjadankənar bazarda dolların qiyməti 103 rubldan bir qədər yuxarıdır. Noyabrın 27-də Amerika valyutasının məzənnəsi 114,5 rubla yüksəlib, sonra ucuzlaşmağa başlayıb.

Hüseyn İbadlı