Biz qarşı tərəfdən də humanistlik gözləyirik – Azər Badamov

“Azərbaycan humanizmə söykənərək üç ermənini qarşı tərəfə təhvil verdi. Bu o deməkdir ki, biz qarşı tərəfdən də humanistlik gözləyirik”.

Bunu Publika.az-a açıqlamasında Milli Məclisin deputatı Azər Badamov deyib. Millət vəkilinin sözlərinə görə, gözləyirik ki, minalanmış ərazilərin xəritələrini versinlər:

“Birinci Qarabağ müharibəsi zamanı itkin düşmüş 4 min vətəndaşımız haqqında bilgiləri bizə versinlər. Amma ermənidən belə bir hərəkəti gözləmirəm. Çünki bu millətdə humanizm və insanlıq deyilən bir şey yoxdur. Onlar həmişə dağıtmaqla, vandallıqları ilə, vəhşilikləri ilə özlərinin tarixini yazıblar. Belə bir xain toplumdan hər hansı humanist addımın atılacağını gözləmirəm”.

Deputatın fikrincə, məhz apardıqları xain siyasətin göstəricisidir ki, bu ölkə iqtisadi və siyasi bataqlıqda boğulmaqdadır:

“Azərbaycan Prezidentinin siyasəti humanizm üzərində qurulub. Biz torpaqlarımızın azad edilməsində qan tökülməsinin tərəfdarı olmamamışıq. İstəyirdik ki, münaqişə qan tökülmədən, danışıqlar müstəvisində həll olunsun. Amma çox təəssüf ki, ermənilər bizi müharibəyə məcbur etdi və nəticəsi də onlar üçün çox ağır oldu. Ermənistandakı gərgin ictimai-siyasi mühitin səbəbkarı özləri və apardıqları xain siyasətləridir”.

Tural Turan