Qırmızı.az
Sərnişinləri qorxudan ruhi xəstənin kimliyi bilindi
Daxili İşlər Nazirliyi avtobusda baş verən hadisə barədə məlumat yayıb.
Ötən gün Bakı-Gəncə istiqamətində hərəkətdə olan sərnişin avtobusunda insanları təşvişə salan şəxsin kimliyi məlum olub.
Daxili İşlər Nazirliyinin mətbuat xidmətinin rəis müavini Ehsan
Zahidovun ANS PRESS-ə verdiyi məlumata görə, hadisə barədə məlumat
daxil olan kimi Gəncə şəhər Baş Polis İdarəsinin əməkdaşları
sərnişinləri qorxudan şəxsin kimliyini müəyyən etmək üçün dərhal
müvafiq tədbirlərə başlanılıb.
Keçirilən əməliyyat-axtarış tədbirləri nəticəsində məlum olub ki,
həqiqətən də, qeyd olunan vaxtda bir nəfər sərnişinləri vahiməyə
salıb. Əməliyyat zamanı həmin şəxsin kimliyi bilinib.
Məlum olub ki, həmin şəxs Gəncə şəhər sakini, ruhi xəstəlikdən
əziyyət çəkən 1986-cı il təvəllüdlü Anar Məmmədovdur. Polis
əməkdaşları dərhal həmin şəxsin yaşadığı ünvanda olaraq onunla
görüşüblər. Polis əməkdaşları həqiqətən də, həmin şəxsin
davranışlarında müəyyən problemlər olduğunu aşkarlayıblar.
Bundan başqa, o da aydınlaşıb ki, A.Məmmədov uzun müddətdir Gəncə
şəhər əsəb dispanserliyində müalicə olunur.
Həmçinin araşdırmalar zamanı o da müəyyən olunub ki, əslində Anar Məmmədov avtobusda qəfildən ayağa duraraq insanlara məsləhət verməyə başlayıb. O, bəzi qida məhsullarının insan orqanizmi üçün təhlükəli olduğunu bildirib və məsləhətlər verib. Onun qeyri-müəyyən davranışları insanları qorxudub. Lakin onun əlində bıçaq, yaxud da, hansısa kəsici alət olmayıb. Bu barədə avtobus sürücüsü də izahatında bildirib.
Hazırda faktla bağlı araşdırma aparılır. Araşdırmaların nəticəsinə
əsasən qanunvericilikdə nəzərdə tutulmuş qaydada qərar qəbul
olunacaq.
-
Dünya14:08
Makronla Silvanın romantik pozaları gündəmi silkələdi - FOTO
-
Sosial13:47
Bu şəxslər pensiyaya 5 il erkən çıxacaq
-
Yaxın Şərq13:16
Mahmud Abbas ermənini nazir təyin etdi - FOTO
-
Sosial13:03
Sabah 25 dərəcə isti olacaq
-
Magazin112:31
Rəşad Dağlının oğluna görün nə hədiyyə etdilər - FOTO
-
İdman12:01
Corcina Ronaldodan geri qalmır: Görün nə oyun çıxardı - VİDEO
-
Nida Xəbər 11:31
Araikin müsahibəsi buna görə yayımlanmadı - Sensasion iddia
-
MDB11:15
Putin bu ölkələrlə birlikdə yeni müharibəyə başlayacaq - Hədəf onlardır