Prezidentin yüksək vəzifəyə təyin etdiyi Şahin Seyidzadə kimdir? - DOSYE

Prezident İlham Əliyevin bu gün imzaladığı sərəncamla Şahin Seyidzadə "İçərişəhər” Dövlət Tarix-Memarlıq Qoruğu İdarəsininsədri təyin edilib.

Publika.az xəbər verir ki, Ş.Seyidzadə hazırda deputatdır, o, Azərbaycan Milli Məclisinin VI çağırış üzvüdür.

Qeyd edək ki, Şahin Kamil oğlu Seyidzadə 15 aprel 1978-ci ildə Bakıdan anadan olub. O, 1995-ci ildə akademik Azad Mirzəcanzadənin təşəbbüsü ilə yaradılmış Həbib bəy Mahmudbəyov adına Texniki-Humanitar Liseyi bitirib.

1999-cu ildə Azərbaycan Dövlət Pedaqoji Universitetinin bakalavr pilləsini bitirib.

2001-ci ildə Azərbaycan Dövlət Pedaqoji Universitetinin magistr pilləsini bitirib.

2006-ci ildə Azərbaycan Dövlət İqtisad Universitetinin "Menecment" ixtisası üzrə magistr dərəcəsi almşb.

2007-ci ildə Sosial və İqtisadi elmlər üzrə Moskva Ali Məktəbinin "Təhsilin təşkili və idarəetməsi" ixtisası üzrə təhsil alıb.

2007-ci ildə isə İngiltərənin Mançester Universitetinin "Təhsilin təşkili və idarəetməsi ixtisası" üzrə magistr dərəcəsi alıb.

Heydər Əliyev Fondunun "Regional İnkişaf" İctimai Birliyinin "Sosial layihələr" müsabiqəsinin (2019-cu ildən), Azərbaycan Respublikası Təhsil Nazirliyinin SABAH qruplarının İcra Komitəsinin rəhbəridir. (2015-ci ildən)

Hazırda Azərbaycan Dövlət Pedaqoji Universitetinin "Təhsilin təşkili və idarəetməsi" üzrə fəlsəfə doktorluğu üzrə dissertantıdır. İngilis və Rus dillərində sərbəst danışa bilir. Ailəlidir, iki övladı var.

src="/storage/files/upload/d6eb17733735d3757286acdac1492c7bc11d6acd.jpg" style="width: 300px;" class="fr-fic fr-dib">