Bu körpənin anası axtarılır - VİDEO

“Səni axtarıram” proqramına gətirilən və anası axtarılan körpə Azərbaycan Uşaqlar Birliyi-Uşaq Sığınacağı Reinteqrasiya Mərkəzinə yerləşdirilib.

Publika.az xəbər verir ki, bu barədə Azərbaycan Uşaqlar Birliyinin sədri Kəmalə Ağazadə sosial şəbəkə hesabında paylaşım edib.

“Səni axtarıram” proqramında bu balacanın anası axtarılır. Gəncədə bir imkansız qadına verilib ki, “uşağa bax, pulunu verəcəm”. Uşaq proqram əməkdaşları tərəfindən efirə gətirilib. “Anacıqla” bağlı artıq zənglər də gəldi ki, bu uşaqdan başqa daha 2 uşağı da var, onlara da nənə-baba baxır. Aktlaşdırıb Azərbaycan Uşaqlar Birliyi-Uşaq Sığınacağı Reinteqrasiya Mərkəzinə gətirdik, dərhal “Mediclab” təcili yardım əməkdaşlarını dəvət etdik. İlkin müalicələr yazılıb. 4 il öncə də Uğuru beləcə efirdən qəbul etmişdik. Elə balaca Fərid kimi 4 aylığında... Ana Əliyeva Nərgiz Cumalı qızıdır. Belə anaya uşaq verilməməlidir! Səbəbi nə olur olsun! Daha bir arzuolunmaz uşaq... Daha bir sevgisiz uşaq... SEVGİ ilə böyüdəcəyik...” - K.Ağazadə qeyd edib.