Qırmızı.az

Vaqif Əsədov: “Buradan təqaüdə göndərilmək…” – Özəl

13 İyun 2022 17:16

Xəbər verdiyimiz kimi, Bakı Şəhər Dövlət Yol Polisi İdarəsinin bölmə rəisi, polis polkovniki Vaqif Əsədov vəzifəsindən azad edilərək təqaüdə göndərilib.

Bununla bağlı daxili işlər naziri general-polkovnik Vilayət Eyvazov müvafiq əmr imzalayıb. Əmrə əsasən, V.Əsədov xidmətdə olmanın son yaş həddi ilə əlaqədar təqaüdə göndərilib.

Bu barədə Publika.az-a danışan V.Əsədov faktı təsdiqləyərək onunla maraqlananlara təşəkkür edib:

“Telefonum gün ərzində susmayıb. Mən çox xoşbəxt insanam ki, son yaş həddinədək polis orqanlarında şərəf və vicdanla dövlətimizə, insanlarımıza xidmət etmək imkanım oldu. Məhz buradan təqaüdə göndərilməyin özü hər kəsə nəsib olmayan böyük xoşbəxtlikdir”.

V.Əsədov bundan sonra hansı fəaliyyətlə məşğul olacağı ilə bağlı suala belə cavab verib: “Hazırda təhvil-təslim prosesini yekunlaşdırmağa çalışıram. Yaxın günlərdə bu barədə mediaya açıqlama verəcəm”.