İki dünya müharibəsinin tarixini dəqiq deyən keşişdən 2026 üçün dəhşətli proqnoz: Martın 20-də...

Hər iki dünya müharibəsinin başlanğıcının dəqiq tarixlərini qeyd edən amerikalı keşiş 2026-cı il üçün də proqnozlar verib. Söhbət məşhur "yatmış peyğəmbər" Edqar Keysdən gedir.

Publika.az xəbər verir ki, 1877-ci ildə anadan olan Edqar Keys hər iki dünya müharibəsinin başlama illərini dəqiq proqnozlaşdırmışdı.

O, Birinci Dünya Müharibəsi bitdikdən sonra hipnoz altında İkinci Dünya Müharibəsinin 1939-cu ildə başlayacağını proqnozlaşdırıb. Bildiyimiz kimi, hər iki uzaqgörənlik gerçəkləşib. Üstəlik, Keys İkinci Dünya Müharibəsi hadisələrini dəhşətli dəqiqliklə təsvir edib. Məsələn, o, Avstriya və Almaniyanın bütün dünyaya qarşı birləşəcəyini və Yaponiyanın sonradan onlara qoşulacağını proqnozlaşdırmışdı.

O, 24 oktyabr 1929-cu ildə "Qara Cümə axşamı" kimi tanınan Nyu-York Fond Birjasının çökməsi haqda da vəd vermişdi. İqtisadiyyat çökdü, cinayətkarlıq artdı. Edqar Keys fond bazarının çöküşünü dörd il əvvəl proqnozlaşdırmışdı.

Keys konkret insanların gələcəyini proqnozlaşdıra bilirdi. O, iki ABŞ prezidentinin ölümünü görmüşdü. Bundan başqa "yuxu peyğəmbəri" ABŞ-ın irqi gərginliklə üzləşəcəyini və islahatçı prezidentin zorakılıqla öləcəyini proqnozlaşdırmışdı. Və belə də oldu. O, uzaqgörənliyi sayəsində Con F.Kennedi haqda da danışmışdı və dediyi oldu, o güllələndi.

Edqar Keys 2026-cı il üçün də proqnozlarını verib. Bu, Qədim Misirlə əlaqəlidir. 20 mart 2026-cı ildə arxeoloqlar Sfinksin sağ pəncəsinin altında piramida inşaatçıları tərəfindən gizlədilən "qeydlər zalı" tapacaqlar.

"Yuxu peyğəmbəri"nə görə, bu zalda bəşəriyyətin bütün tarixinə - Neandertallar dövrünə qədər işıq salacaq sənədlər tapılacaq.

Keys iddia edir ki, dünya böyük fəlakətlə üzləşəcək. O, "şimalda odlu gecə", genişmiqyaslı insan köçkünlüyü və təbii fəlakətlərdən danışıb. Bəzi tədqiqatçılar hesab edirlər ki, müzakirə nüvə hadisəsi və ya Arktikada ekoloji böhran riski ilə bağlı ola bilər.

Adəm