Məhərrəm İncədən Ərdoğana CAVAB: "Sənə reytinq qazandıraram!"

CHP partiyasından prezidentliyə namizədliyini irəli sürən Məhərrəm İncənin televiziya kanalında debat dəvətinə Prezident Rəcəb Tayyib Ərdoğanın "Ona reytinq qazandırmaram" sözlərinə qarşı tərəf cavab verib.

Publika.az xəbər verir ki, Ərdoğanın sözlərinə cavab olaraq "hava proqnozları belə Ərdoğanın çıxışından çox izlənib" deyib:

"Tuncelidən sənə səslənirəm, reytinqlər "kralı". Sən dünya lideri deyilsənmi? Gəl, çıx efirə, müzakirəmizi aparaq. Utanmadan, sıxılmadan səni televiziyaya dəvət etdiyimi deyirsən. Üzərimdən reytinq toplayacaq deyirsən. Səninlə televiziya kanalına çıxsam, mən sənə reytinq qazandıraram. Türkiyə mediasında, "Habertürk" və digər televiziyalarda Ərdoğanın və mənim çıxışlarımın izlənmə reytinqini çıxartdırdım. Cədvələ görə Ərdoğanın reytinqi 11-dir. Hava proqnozları belə sənin çıxışından daha maraqlıdır xalqa. Tuncelidən yenidən səslənirəm. Bunu 10 yerdə demişəm, yenə də deyirəm. Gəl, mənimlə televiziya proqramına çıx. Gəl, sənə xalqın gözləri qarşısında Türkiyədə iqtisadiyyatın nə olduğunu, nə edəcəyimizi başa salım".

Könül