Region

İranın səbri daşdı: "Əgər belə davam edərsə..."

29 İyul 2019 14:13

İngiltərənin İrana aid neft tankerini saxlaması nüvə sazişini pozur.

Publika.az xəbər verir ki, bunu İran Xarici İşlər Nazirliyinin mətbuat katibi Abbas Musəvi deyib.

Həftəlik mətbuat konfransında çıxış edən sözçü bildirib ki, rəsmi Tehran razılaşmanı təktərəfli şəkildə davam etdirmək niyyətində deyil: “ Ötən gün Vyanada nüvə razılaşmasının fövqəladə komissiyası toplandı. Avropa ölkələrinin nümayəndələri razılaşmadakı bəzi öhdəliklərin yerinə yetirilməməsinə görə narahatlıqlarını dilə gətirdilər. Tehran da ingilislərin İran tankerini saxlamasını razılaşmanın pozulması kimi qəbul edir. Əgər belə davam edərsə, öhdəliklərin azaldılmasını ehtiva edən 3-cü addımı daha güclü şəkildə gerçəkləşdirəcək”.

Qeyd edək ki, 4 iyulda İranın neft tankeri Cəbəllütariqdı saxlanılıb. İran bunun İngiltərə üçün ağır nəticələr doğuracağını açıqlayıb.