Ayasofya məscidinə imam və müəzzinlər təyin olundu
Bizi izləyin
Aptekonline

Region

Ayasofya məscidinə imam və müəzzinlər təyin olundu

Ayasofya məscidinə imam və müəzzinlər təyin olundu

Ayasofyaya 3 imam və 5 müəzzin təyin edilib.

Publika.az "Anadolu"ya istinadla xəbər verir ki, bu barədə Türkiyə Respublikasının Diyanət İşləri Müdiri Əli Ərbaş məlumat verib.

"İmamlarımızla, müəzzinlərimizlə Ayasofya Məscidində millətimizə xidmət göstərəcəyik. Rəbbim onların səsinə daha da gözəllik versin", - deyə Ərbaş bildirib.

Xatırladaq ki, Türkiyə məhkəməsi İstanbuldakı Aya Sofya məbədinin muzeydən məscidə çevrilməsi ilə bağlı qərar verib. Danıştay (dövlət idarəçiliyi ilə bağlı işlərə baxan məhkəmə) Aya Sofyanın məsciddən muzeyə çevrilməsinə dair 24 noyabr 1934-cü il tarixli Nazirlər Kabinetinin qərarını ləğv edib.

Türkiyə Prezidenti Rəcəb Tayyib Ərdoğan Aya Sofya məbədinin muzeydən məscidə çevrilməsi ilə bağlı məhkəmənin qərarını təsdiqləyib. Fərmana əsasən, Aya Sofyanın Türkiyə Diyanət İşləri Başqanlığının balansına verilməklə ibadətə açılmasına qərar verilib.

Teqlər
Oxumağa davam et
Reklam
Reklam

Gündəm

Aptekonline