PKK qurbanlarının 10-nun şəxsiyyəti məlum oldu

PKK terrorçularının İraqın Qara bölgəsində qətlə yetirdikləri Türkiyənin 13 vətəndaşından bəzilərinin şəxsiyyətləri məlum olub.

Publika.az xəbər verir ki, Malatya valisi Aydın Baruş Qarada şəhid olan 13 nəfərdən 10-nun şəxsiyyətlərinin müəyyənləşdirildiyini bildirib.

O qeyd edib ki, digər üç nəfərin şəxsiyyətinin müəyyənləşdirilməsi ilə bağlı araşdırmalar davam etdirilir:

"2015 və 2016-cı illərdə PKK terror təşkilatı tərəfindən qaçırılaraq 5 il İraqın şimalında, müxtəlif bölgələrdə gizlədilən və ən sonda Qara bölgəsindəki qondarma "həbsxanada" saxlanılan, orada öldürülən Türkiyə vətəndaşlarının Malatya Ədli Tibb Qurumunda analiz işləri davam etdirilir. Məhkəmə tibbi ekspertləri tərəfindən əldə olunan nəticələrə görə, hər birinə yaxın məsafədən atəş açılması ilə 12 nəfərin baş nahiyəsindən, bir nəfərin isə sinəsindən güllə yarası aldığı müəyyən edilib. Terror təşkilatının vətəndaşlarımızı bomba hücumu nəticəsində qətlə yetirməsi barədə yayılan xəbərlərin hamısı yalan və təxribatdır".

Akqabay