İranla Çin arasında 25 illik ŞOK RAZILAŞMA (YENİLƏNDİ)

İran və Çin əməkdaşlıq müqaviləsi imzalayıb.

Publika.az xəbər verir ki, Tehran və Pekin rəhbərliyi İranın Çinin başlatdığı "Bir kəmər, Bir yol" layihəsində iştirakını nəzərdə tutan 25 illik əməkdaşlıq müqaviləsi imzalayıb.

Rəsmi danışıqlar aparmaq üçün Tehrana gələn Çin Xarici İşlər Naziri Vang Yi, İran Xarici İşlər naziri Məhəmməd Cavad Zərif ilə görüşüb. İclasda iki ölkə arasında müxtəlif sahələrdə əməkdaşlığı nəzərdə tutan 25 illik müqavilə imzalanıb.

****

13:08

Çinin Xarici İşlər naziri Vang Yi İranın paytaxtı Tehrana rəsmi səfər edib.

Publika.az xəbər verir ki, nazir ölkənin Ali dini lideri Ayətullah Əli Xamaneinin müavini Əli Laricani ilə görüşüb.

Görüşdə Çinin başlatdığı “Bir kəmər, bir yol” layihəsinə İranın qatılmasını ehtiva edən 25 illik əməkdaşlıq razılaşmasının müzakirə edildiyi bildirilir.

Qeyd edək ki, Yaxın Şərq səfərləri çərçivəsində Tehranda olan Vang Yi İran prezidenti Həsən Ruhani və Xarici İşlər naziri Məhəmməd Cavad Zəriflə də bir araya gələcək.

Zümrüd