Ərdoğandan ÖNƏMLİ AÇIQLAMA: "Türklər harada yaşayırsa, o ölkələrə..."

"Yeni tip koronavirusla mübarizə çərçivəsində epidemiya başlayandan bu yana 142 ölkədən 100 mindən çox vətəndaş müalicə üçün Türkiyəyə gətirilib".

Publika.az xəbər verir ki, bunu İstanbuldakı Dolmabaxça Sarayında Beynəlxalq Demokratlar Birliyi (Uluslararası Demokratlar Birliği - UID) Qadın Qolları ilə Gənclik Qolları Mərkəzi Qərar və İdarə Heyətinin üzvlərini qəbul edən Türkiyə prezidenti Rəcəb Tayyib Ərdoğan çıxışı zamanı deyib.

O bildirib ki, Türkiyə epidemiyası ilə mübarizə çərçivəsində bu günə qədər 157 ölkə və 12 beynəlxalq quruma yardım göndərib:

"Avropada təxminən 6 milyon türk yaşayır. Onlar yaşadıqları ölkələrin siyasi, mədəni, iqtisadi və ictimai həyatına da böyük töhfə verir, bundan qürur duyuruq. Uğur Şahin (Almaniyanın bioteknologiya firması “BioNTech”in qurucu ortağı, professor) və Həsrət Türeci (dosent) kimi alimlərimizin “Covid-19” peyvəndini inkişafetdirmədə əldə etdikləri uğurlar göstərir ki, onlara dəstək və fürsət verildiyi zaman nələrə qadir olduqlarını göstərə bilirlər. Bu cür nümunələr təkcə Avropa türkləri deyil, digər köçən insanlara da inam və cəsarət hissi verir".

"Türkiyə COVID-19 epidemiyası dövründən daha da güclənərək çıxacaq. Tədbirlərə sarılıb təqdirə təslim olaraq epidemiya ilə mübarizəmizi davam etdirəcəyik", - deyə ölkə lideri bildirib.

Hüseyn