Region

Rusiya "S-500"ləri sınaqdan keçirdi - VİDEO

20 İyul 2021 14:52

Rusiya Müdafiə Nazirliyi "S-500" hava hücumundan müdafiə sisteminin sınaq görüntülərini yayımlayıb.

Publika.az xəbər verir ki, ölkənin hərbi səlahiyyətliləri yeni nəsil "S-500" hava hücumundan müdafiə sisteminin sınağını uğurla keçirdiklərini bildirib.

Rusiya MN-in rəsmiləri qeyd ediblər ki, yeni sınaq zamanı "S-500" sistemi yüksək sürətli ballistik hədəfi uğurla vurub, hədəfin atəş edildikdən sonra məhv edildiyi təyin olunub. Sınaq nəticəsində "S-500" sisteminin bütün texniki və taktiki xüsusiyyətlərinin təsdiq olunduğu da bildirilib.

"S-500" elə hazırlanıb ki, mövcud və tezliklə inkişaf etdiriləcək hava hücum vasitələrini məhv edə bilər. Ölkənin müdafiə sənayesi səlahiyyətliləri sistem sınaqlarının 2021-ci ildə tamamlanmasının və eyni ildə istifadəyə verilməsinin planlaşdırıldığını qeyd ediblər.