Nazirdən XƏBƏRDARLIQ: Bu, çox ölümcül ola bilər - VİDEO

Video əlavə olunub.

xxx

Kemerköy İstilik Elektrik Stansiyasında başlayan yanğının söndürülməsi işləri sürətlə davam edir.

Publika.az xəbər verir ki, yanğın elektrik stansiyası binasına yayıldıqdan sonra fəsadlar üzə çıxmağa başlayıb.

Ətraf Mühit və Şəhərsalma Nazirliyinin keçmiş müşaviri professor Mustafa Öztürk bildirib ki, elektrik stansiyasında kömürdən çıxan qazlar ölümcül ola bilər. O əlavə edib ki, İES-də kömürlərin yanması nəticəsində ortaya çıxacaq karbonmonoksid ciddi təhlükə saçır. Bu səbəbdən nazirlik maska ​​taxmağı, vətəndaşlara pəncərələri bağlı saxlamağı və evdən çıxmamağı tövsiyə edib.

“İstilik elektrik stansiyası yanarsa, SO2, CO, PM2.5, PM10 sağlamlıq üçün təhlükəli çirkləndiricilər havaya yayılacaq. İES-dən çıxan qazlar zəhərlidir. Pəncərələri bağlı saxlayaq və evdən çıxmayaq. Bölgədə işləyən jurnalistlər külək istiqamətindən uzaq durmalı və aktiv karbon maskaları taxmalıdırlar”, - Ətraf Mühit və Şəhərsalma naziri Murat Kurum vurğulayıb.

Kemerköy İstilik Elektrik Stansiyasında 40 min ton kömür ehtiyatının olduğu iddia edilir.

Aytən Məftun