• USD 1,7000 0,00% EUR 1,9208 0,00%
    • GBP 2,2592 0,00% RUB 0,0230 0,00%

Ərdoğan Qlazqoya getməməsinin SƏBƏBİNİ AÇIQLADI: Bunu qəbul edə bilmədik

  • Region
  • 1 Noyabr 2021 15:42
  • 1 481 Baxış
Ərdoğan Qlazqoya getməməsinin SƏBƏBİNİ AÇIQLADI: Bunu qəbul edə bilmədik

"Qlazqoda keçirilən İqlim Dəyişikliyi üzrə BMT Liderlərinin Sammiti üçün tələb etdiyimiz təhlükəsizlik protokolu standartlarımız var idi. Bütün beynəlxalq səfərlərimizdə bizə və bütün digər liderlərə həmişə tətbiq olunan protokolda bunlar standart idi. Ancaq bizə dedilər ki, bunlara son anda nail olmaq mümkün deyil".

Publika.az xəbər verir ki, bu sözləri Türkiyə Prezident Rəcəb Tayyib Ərdoğan G20 dövlət başçılarının Roma Sammitindən sonra təyyarədə jurnalistlərin suallarını cavablandırarkən deyib.

Türkiyə lideri Şotlandiyanın Qlazqo şəhərində keçiriləcək Beynəlxalq İqlim Konfransında iştirak etməməsinin və Romadan Ankaraya qayıtmasının səbəblərini açıqlayıb: "Sonradan öyrəndik ki, rədd edilmiş sorğumuzdakı standartlar müstəsna olaraq başqa ölkə üçün təqdim oluna bilər. Bu da diplomatik adətlərə uyğun gəlmirdi. Biz bunu qəbul edə bilmədik. Müvafiq bölmələrimiz dəqiq mövqe ilə danışıqları davam etdiriblər. Sağ olsun, Boris Conson da proseslə maraqlandı. Əvvəlcə problemin həll olunduğunu bildirdi. Amma son anda o, bizə Şotlandiya tərəfinin çətin günlər keçirdiyini bildirdi. Tələblərimiz yerinə yetirilməyəndə Qlazqoya getməkdən vaz keçdik. Nəhayət, bu, təkcə öz təhlükəsizliyimizlə bağlı deyildi, bu, ölkəmizin reputasiyası ilə bağlı idi. Biz millətimizin reputasiyasını qorumaq üçün məsuliyyət daşıyırıq. Ölkəmizin ləyaqətinə, şərəfinə heç bir yerdə xələl gəlməsinə imkan verməyəcəyik. Beləliklə, bir daha göstərdik ki, biz yalnız bərabərlikçi yanaşma ilə daha ədalətli dünya qura bilərik".

Halal Nemət

Xəbər lenti

DAHA ÇOX XƏBƏR