Ukrayna ordusu tilsimi qırdı: - Mavi-sarı bayraq yenidən məşhur adada ucaldıldı

Rusiya Silahlı Qüvvələrinin tərk etdiyi Zmeinıy adasında Ukrayna bayrağı ucaldılıb.

Publika.az xəbər verir ki, bu barədə UNİAN Ukraynanın cənubundakı müdafiə qüvvələrinin birgə əlaqələndirici mətbuat mərkəzinin rəhbəri Nataliya Qumenyuka istinadən məlumat yayıb.

“Zmeinıy adasında Ukrayna bayrağı ucaldılıb. Hərbi əməliyyat başa çatıb və ərazi indi yenidən Ukraynanın yurisdiksiyasına qaytarılıb”, - deyə Qumenyuk bildirib.

İyunun 30-da Rusiya Müdafiə Nazirliyinin rəsmi nümayəndəsi general-leytenant İqor Konaşenkov bəyan edib ki, Rusiya Silahlı Qüvvələri xoşməramlı addım kimi Zmeinıy adasını tərk edib. Onun sözlərinə görə, Rusiya Ukraynadan kənd təsərrüfatı məhsullarının ixracı üçün humanitar dəhliz yaradılmasına mane olmadığını dünya ictimaiyyətinə belə nümayiş etdirmək qərarına gəlib.

Bundan sonra isə Rusiya Dövlət Dumasının Krımdan olan deputatı Aleksey Çernyak Qara dənizdəki Zmeinıy adasının Rusiya donanmasının və Hava-Kosmik Qüvvələrinin nəzarətində qalacağına inandırmışdı.

Səxavət