Region
Soçi görüşündən BRİKS-ə: Türkiyəyə hansı pəncərə açılacaq?
Rusiyanın "Russia Today" qəzetinin bir hissəsi olan "İnosmi" əlavəsi Türkiyə prezidenti Rəcəb Tayyib Ərdoğanla Rusiya prezidenti Vladimir Putin arasında Soçidə baş tutacaq görüşlə bağlı maraqlı iddialar səsləndirib. Bildirilir ki, görüş zamanı Putinin “türk lirəsinin yenidən dəyər qazanmasına kömək etmək üçün” Ərdoğanı BRİKS-ə (Braziliya, Rusiya, Hindistan, Çin, Cənubi Afrika Respublikasından ibarət olan qrup – red:) üzv olmağa dəvət edəcəyi ehtimal olunur.
Politoloq, keçmiş xarici işlər naziri Tofiq Zülfüqarov Publika.az-a açıqlamasında, bu təklifin görüşdə müzakirə obyektinə çevriləcəyinə inanmadığını bildirdi:
“Əgər belə bir üzvlük baş tutarsa, bu, ilk növbədə Türkiyənin ixrac əməliyyatları üçün daha əlverişli gömrük şəraiti yarada bilər. Qardaş ölkənin Avropa İttifaqı ilə bu məsələ ilə bağlı xüsusi razılaşmaları var və Aİ ölkələrinə xüsusi şərtlərlə ixrac həyata keçirilir”.
V.Putinin Türkiyə prezidentinə səsləndirəcəyi təklifin siyasi tərəflərinə gəlincə, politoloq, indiki mərhələdə Rusiyanın Türkiyəyə qarşı hansısa siyasi təsir mexanizmlərini işə salacağına inanmadığını dilə gətirdi:
“Tətbiq edilən sanksiyalardan sonra Rusiya xeyli zəifləyib. Bu məsələnin Azərbaycanla bağlı tərəfləri də var. Rusiyanın öz əlaqələrini gücləndirmək üçün irəli sürdüyü əsas şərtlərdən biri də dəmir yolunun olması ilə bağlıdır. Bu baxımdan Soçi görüşündə Zəngəzur dəhlizinin işə salınması və birgə istifadə olunması məsələsi gündəmə gələ bilər”.
Qeyd edək ki, qəzet Ərdoğanın Putinlə görüşünün önəminə diqqət çəkərək, Rusiyanın gücünün sarsıldığını və Putinin onu yenidən xilas etməyə hazır olduğunu iddia edib.
Politoloq hesab edir ki, bu yazı, Türkiyədə gözlənilən prezident seçkiləri ərəfəsində Ərdoğanın qarşılaşdığı bəzi problemləri qabartmaq üçün qələmə alınıb:
“Qəzet göstərmək istəyir ki, müxalifətin ona qarşı əsas iradları daxili iqtisadi problemlərlə bağlıdır. Ümumiyyətlə, iqtisadi əməkdaşlığın daha da genişlənməsi Türkiyə iqtisadiyyatının inkişafında yeni təkan olacaq”.
Rövşən Ziya
-
MDB01:11
Belqoroda RAKET HÜCUMU: ölənlərin sayı 12-yə çatdı - YENİLƏNDİ
-
Avropa00:30
Rusiya ordusu daha bir şəhəri ƏLƏ KEÇİRDİ
-
Qoroskop00:15
Günün ULDUZ FALI: çox sərt tənqidlərə məruz qala bilərsiniz
-
Sosial12 May 23:48
Gömrük bağlamanı aça bilər? - RƏSMİ AÇIQLAMA / VİDEO
-
İKT12 May 23:24
DİN-dən vətəndaşlara ÇAĞIRIŞ: "Əgər kimsə sizə zəng edərək..."
-
Hadisə12 May 22:12
İsmayıllıda yol çökdü, təhlükəli vəziyyət yarandı - VİDEO
-
Səhiyyə12 May 22:00
Həkim insultun əsas əlamətlərini AÇIQLADI
-
Art12 May 20:48
Xalq artisti qalmaqallı serialdan DANIŞDI: "O qədər "hayla" qəbul ediləsi işlərimiz var ki..."