Duqin xəstəxanaya yerləşdirildi

Filosof və ictimai xadim Aleksandr Duqin qızının ölümündən sonra xəstəxanaya yerləşdirilib.

Publika.az xəbər verir ki, bunu politoloq, Dövlət Dumasının keçmiş deputatı Sergey Markov Gazeta.Ru-ya müsahibəsində bildirib.

O, Duqinin xəstəxanaya yerləşdirilməsini “özəl mənbədən” öyrəndiyini deyib. Eyni zamanda o qeyd edib ki, Duqinin vəziyyəti ilə bağlı təfərrüatlar məlum deyil.

“Bu, özəl mənbədəndir. Vəziyyətdən xəbərim yox idi. Bu məlumat mənim üçün kifayətdir və şübhəsiz ki, Aleksandr Gelieviç indi dəhşətli vəziyyətdədir. Xəstəxanada olduğunu bilirəm, qalan detalları öyrənmədim. Yaşlı adamdır, dəqiq bilirəm ki, tam sağlam biri deyil. Belə bir dəhşətli faciə. Mən ona başsağlığı mesajı belə göndərmədim, çünki o, bu işlərlə məşğuldur. Şübhəsiz ki, onun qapısında ondan mümkün qədər çox məlumat almaq istəyən müstəntiqlər var. Buna görə də heç kimin diqqətini yayındırmaq lazım deyil. Sadəcə mənə dedilər ki, xəstəxanadadır, vəssalam. Başqa heç kimdən heç nə eşitməmişəm” , - Markov bildirib.

Qeyd edək ki, dünən Duqinin qızı Darya Duqinanın avtomobili Moskva vilayətində Bolşoye Vyazemi kəndi yaxınlığında partladılıb və terakt nəticəsində o, həlak olub.

Akqabay