Kiyevdə kritik infrastruktur obyektlərinə zərbələr endirildi

Kiyevin hərbi administrasiyası "Telegram-kanal"ında şəhərin kritik infrastruktur obyektlərinə zərbələr endirilməsi barədə məlumat yayıb.

Publika.az xəbər verir ki, Ukrayna paytaxtının meri Vitali Kliçko bildirib ki, mərkəzdə iki partlayış baş verib.

“Daha iki partlayış Şevçenko rayonunda qeydə alınıb. Sığınacaqlarda qalın!" – o, "Telegram-kanal"ında yazıb.

Odessada partlayışlarla bağlı da məlumat var.

Ötən gecə və səhər saatlarında hakimiyyət Kiyev və Kiyev vilayəti, Odessa, Nikolayev, Poltava və Çerkassı vilayətlərində hava həyəcanı elan edib.

Son bir həftə ərzində Rusiya silahlı qüvvələri Ukraynanın hərbi komandanlıq və idarəetmə, rabitə və enerji sistemləri obyektlərinə uzaqmənzilli silahlarla zərbələr endirib. Ən kütləvi zərbələr 10 və 11 oktyabrda baş verib. Vladimir Putinin oktyabrın 10-da Təhlükəsizlik Şurasının daimi üzvləri ilə görüşündə dediyi kimi, bu, Krım körpüsündə Kiyevin təşkil etdiyi terror aktına və Rusiyada mülki obyektlərə edilən digər hücumlara cavabdır.

Ukraynanın energetika naziri German Qaluşenkonun sözlərinə görə, bir gün yarım ərzində ölkənin enerji infrastrukturunun təxminən 30 faizi raket zərbələri nəticəsində dağıdılıb.

Səxavət