Region

Moldova dona bilər - Küçəyə çıxmayın ÇAĞIRIŞI

12 Noyabr 2022 14:57

Moldovanın xarici işlər naziri Niku Popesku ölkədə yaranmış enerji böhranı ilə əlaqədar Moldovanın 1,1 milyard avro məbləğində maliyyə yardımına ehtiyacı olduğunu bildirib.

Publika.az xəbər verir ki, N.Popesku ölkədəki vəziyyəti çətin adlandırıb, çünki Moldovanın enerji sektoru Rusiyadan qaz tədarükünün azalması fonunda çətinliklərlə üzləşib.

"Hökumət alternativ tədarüklər tapmağa çalışır, lakin Moldovanın 1,1 milyard avro maliyyə yardımına ehtiyacı var", - deyə o bildirib.

Moldova Prezidenti Maya Sandu daha əvvəl bildirmişdi ki, ölkə qışda qaz və işıqsız qalmaq riski ilə üzləşib.

Oktyabrın 27-də Moldova hüquq-mühafizə orqanları hakimiyyətin küçə işıqlarını söndürmək qərarı ilə əlaqədar ölkə sakinlərini sutkanın gecə saatlarında küçəyə çıxmamağa çağırıb.

Səxavət