Akardan İsveç və Finlandiyaya növbəti MESAJ: "Bu, çox asandır"

"Ankara İsveç və Finlandiyanın NATO-ya üzvlüyünə razılıq vermək üçün bu ölkələrin imzaladıqları öhdəlikləri yerinə yetirməsini gözləyir".

Publika.az xəbər verir ki, bunu Türkiyənin Müdafiə naziri Hulusi Akar deyib.

O, xatırladıb ki, iyun ayında Madriddə Türkiyə prezidenti, İsveçin baş naziri, Finlandiya prezidenti və üç ölkənin müdafiə və xarici işlər nazirliklərinin rəhbərləri NATO katibinin iştirakı ilə görüşüb, sənədi imzalayıblar.

Akar qeyd edib ki, Helsinki və Stokholm NATO-ya daxil olmaq üçün Ankaradan təsdiq gözləyir:

"Biz isə deyirik: Qeydiyyatdan keçdiyiniz tələblərə əməl edin. Bu, çox asandır".

Bir müddət əvvəl İsveçin xarici işlər naziri Quranın yandırılması ilə bağlı aksiyalar fonunda ölkənin NATO-ya üzvlüyünün dayandırıldığını açıqlamışdı. Eyni zamanda, Tobias Billström NATO ölkələrinin Xarici İşlər nazirliklərinin Vilnüsdə iyulda keçirilməsi planlaşdırılan sammitində Türkiyə ilə razılaşmaların əldə oluna biləcəyinə ümid etdiyini bildirib.

"RİA Novosti" Ankaradakı mənbəyə istinadən xəbər verir ki, Türkiyənin tələbi ilə İsveç və Finlandiyanın NATO-ya daxil olması üçün üçtərəfli mexanizm qeyri-müəyyən müddətə dayandırılıb.

Hüseyn İbadlı