Region

İran ən böyük uran yatağını İŞƏ SALDI

7 Fevral 2023 02:42

İranın nüvə alimləri ölkənin mərkəzi bölgəsindəki Yəzd vilayətinin Bafq bölgəsində ən böyük uran yatağının işlənməsinə başlayıblar.

Publika.az xəbər verir ki, bu barədəd "Fars" agentliyi məlumat yayıb.

Bildirilib ki, bazar ertəsi İranın Atom Enerjisi Təşkilatının (AEOI) baş direktoru Məhəmməd Eslaminin iştirakı ilə yatağın ilk sınaqları həyata keçirilib.

"Aşkar edilmiş yataqların həcminin təxmini hesablamasının nəticələri göstərir ki, 650 ton uran metalı və 4600 ton molibden metalı var", - agentlik Eslamidən sitat gətirib.

Xatırladaq ki, Bundan əvvəl İran uranın zənginləşdirilməsi prosesinin başladığını elan edib. Qeyd olunur ki, uranın zənginləşdirilməsi səviyyəsinin artırılması ilə bağlı qərar MAQATE-nin Rəhbərlər Şurasının İranın nüvə proqramı ilə bağlı qəbul etdiyi qətnaməyə cavab olaraq qəbul edilib.

Hüseyn İbadlı