Region

İranda rejimi dağıdacaq proses bu gün başlayır

10 Aprel 2023 12:06

Bu gün İranda kütləvi aksiyalar başlayır.

Publika.az xəbər verir ki, aksiyanın əsas məqsədi məktəblilərin müəmmalı şəkildə kimyəvi qazla zəhərlənməsidir.

Son dövrlər İranda məktəblərə müəmmalı şəkildə kimyəvi zəhər atılır. Bu məsələ ilə bağlı Xamenei tərəfindən “araşdırılsın” göstərişi verilsə də, indiyə qədər heç bir nəticə yoxdur. Əksinə, zəhərlənmələr davam edir. İran müxalifəti bunun rejim tərəfindən həyata keçirildiyini, etirazların davam etdiyi vaxt həm xalqı qorxutmaq, həm də diqqəti yayındırmaq məqsədi daşıdığını hesab edir. İran rejimi bundan öncə “günahkar” tapsa da, ictimaiyyət buna inanmayıb. Zəhərlənmələrin davam etməsi də bunu deməyə əsas verir.

Əhali buna etiraz olaraq ümumxalq etirazlara başlayır. İrand ötən il başlanan aksiyalar davam etsə də, aprelin 10-na təyin edilən aksiya ölkənin bütün ərazisini əhatə edəcək. Ekspertlər bu gün başlayacaq aksiyaların İran rejiminə ciddi zərbə vura biləcəyini hesab edir.

Asif