Moskva məhkəməsi Araz Ağalarovla bağlı qərar verdi

Moskva Arbitraj Məhkəməsi “Crocus Group”un üzvü, iş adamı Araz Ağalarovun “Crocus International”ın “Rossiya Magistral Yolları” (Avtodor) dövlət şirkətindən 6 milyard rubldan çox pulun alınmasını iddiasını rədd edib.

Publika.az xəbər verir ki, bu barədə “RİA Novosti” məhkəmənin dərc etdiyi sənədə istinadən məlumat yayıb.

Məhkəmə qərarının dərc edilmiş qətnamə hissəsindən məlum olur ki, iddia əlavə işlər, əsassız zənginləşmə, dəymiş zərərin ödənilməsi barədə qaldırılıb. İddia dekabrda məhkəməyə gedib.

2019-cu ilin dekabrında, əksinə, ödənişli yolların layihələndirilməsi, tikintisi və idarə edilməsində ixtisaslaşan dövlət şirkəti olan “Avtodor” ASC “Crocus International”-a qarşı təxminən 5,4 milyard rubl məbləğində böyük iddia qaldırıb. İddia Moskva vilayətində Mərkəzi Dairəvi Yolun (TsKAD) ilk işəsalma kompleksinin tikintisinə dair müqavilə üzrə cərimənin bərpası üçün qaldırılıb. Lakin iddia ərizəsi Moskva Arbitraj Məhkəməsinə daxil olduqdan bir həftə sonra iddiaçı onun qaytarılması üçün vəsatət qaldırıb və məhkəmə iddianı baxmadan geri göndərib.

Bu dairəvi yol Moskva vilayətinin ərazisindən, 13 federal yoldan keçir və paytaxt küçələrini tranzit nəqliyyatdan azad edir. Beş hissəyə bölünür, onlardan dördü ödənişlidir (cəmi 260 kilometr). Eyni zamanda, Mərkəzi Dairəvi yol Rusiyada ödənişli çərçivədə dayanmadan hərəkət etməyə imkan verən Pulsuz Axın ödəniş sisteminə malik ilk yoldur.

2015-ci ilin avqustunda “Avtodor” Mərkəzi Dairəvi Yolun ilk buraxılış kompleksinin maliyyələşdirilməsi, tikintisi və istismarının yeni icraçısı – “Crocus International” ilə müqavilə imzaladığını bildirib. “Crocus Group” Rusiyanın ən böyük kommersiya daşınmaz əmlak şirkətlərindən biridir. Moskva vilayətində şirkət, “Crocus Expo” sərgi mərkəzinə, “Crocus City Hall” konsert zalı, “Vegas” ticarət və əyləncə mərkəzlərinə və “Tvoi Dom” hipermarketlərinə sahibdir.

Akqabay