Region

Lavrov Səmərqənddə Mirzoyanla nəyi müzakirə edib?

14 Aprel 2023 17:08

Ermənistan xarici işlər naziri Ararat Mirzoyan və Rusiya xarici işlər naziri Sergey Lavrov İrəvanla Bakı arasında münasibətlərin normallaşdırılması məsələlərini müzakirə ediblər.

Publika.az xəbər verir ki, bu barədə Rusiya Xarici İşlər Nazirliyinin saytında məlumat verilib.

Qeyd edilir ki, danışıqlar bu gün MDB Nazirlər Şurasının Səmərqənddə keçirilən iclası çərçivəsində baş tutub.

"Xarici işlər nazirliklərinin rəhbərləri ikitərəfli gündəliyin bir sıra aktual məsələlərini müzakirə ediblər. Regional məsələlər ətrafında fikir mübadiləsi aparılıb. Sazişlərə uyğun olaraq Ermənistan-Azərbaycan münasibətlərinin normallaşmasının bütün istiqamətləri üzrə səylərin artırılmasının vacibliyi qeyd edilib”, - hesabatda deyilir.

Tərəflər diplomatik xətt vasitəsilə gələcək təmaslar barədə razılığa gəliblər.

Xatırladaq ki, Ermənistan və Rusiya XİN rəhbərlərinin bundan əvvəlki görüşü martın 20-də Moskvada baş tutub.

Ayşən