Region

“Qazprom” “Türk axını”nı bərpa etdi

12 İyun 2023 16:21

5-12 iyun tarixində aparılan planlaşdırılmış təmir işləri başa çatıb və “Türk axını” qaz nəqli bərpa edilib.

Publika.az xəbər verir ki, bu barədə “Qazprom” məlumat yayıb.

“Türk axını” qaz kəməri Rusiyadan Türkiyəyə, eləcə də Cənubi və Cənub-Şərqi Avropa ölkələrinə ixrac üçün istifadə olunur. Layihə gücü ildə 31,5 milyard kubmetrdir.

Bundan əvvəl Türkiyənin energetika naziri Fatih Dönməz bildirib ki, ən geci bir il ərzində Avropaya tranzit nəqli üçün qaz qovşağı işə salınacaq.

Nazir qeyd edib ki, “Şimal axını” qaz kəmərinin zədələnməsi nəticəsində itirilmiş yanacağın həcmləri qovşaq vasitəsilə çatdırılacaq.

Qeyd edək ki, iyun ayında “Qazprom” gələcək qaz qovşağının konsepsiyasını, parametrlərini və fəaliyyət prinsiplərini Türkiyəyə təqdim etdiyini açıqlayıb.

Ayşən