Cinsiyyətin dəyişdirilməsi qadağan olundu

Rusiya parlamenti ölkədə cərrahiyyə və ya ailə vəziyyətinə görə cinsiyyətin dəyişdirilməsini qadağan edən qanun qəbul edib.

Publika.az xəbər verir ki, qanun layihəsini müdafiə edən qanunvericilər LGBT təşkilatlarının “gənclərə qarşı təxribatçı fəaliyyətlər həyata keçirdiklərini” bildirirlər.

"Cinsiyyət dəyişikliyi üçün tibbi müdaxilələri və tibbi müdaxilə olmadan edilən dəyişiklikləri qadağan edən qanun qəbul edilib",- Duma tərəfindən bildirilib.

Qanun layihəsi çərçivəsində uşaqların cinsiyyət orqanlarının inkişafında "anomaliyalar" olduqda cərrahi müdaxiləyə icazə verən istisnalar da qeyd edilib. Bununla belə, tibbi əməliyyatlar həm də dövlət orqanlarından icazə tələb edəcək.

Qanun layihəsini müdafiə edən qanunvericilər LGBT təşkilatlarının “gənclərə qarşı təxribatçı fəaliyyətlər həyata keçirdiklərini” bildirirlər.

Parlamentdəki əsas qrupların liderlərinin təklif etdiyi mətn “ənənəvi ailə dəyərlərini” müdafiə edən və nikahı yalnız “bir kişi və bir qadının birliyi” kimi təyin edən Rusiya Konstitusiyasına əsaslanır.

Xatırladaq ki, Rusiya daha əvvəl homoseksuallığın təbliğatını qadağan edib.

Ayşən