Region

Gürcüstan 5 günlük müharibəyə görə Rusiyanı “təmiz” çıxardı: Günahkar odur

8 Avqust 2024 13:49

Gürcüstanın baş naziri İrakli Kobaxidze respublika hakimiyyətinin 2008-ci il müharibəsinin hallarını öyrənmək üçün prokurorluğa, Konstitusiya Məhkəməsinə müraciət edəcəyini və ya parlament komissiyası yaradacağını istisna etməyib.

Publika.az xəbər verir ki, Kobaxidze bu barədə 5 günlük Gürcüstan-Rusiya müharibəsinin başlamasının ildönümündə jurnalistlərə açıqlamasında deyib. O, bu müharibənin başlamsında sabiq prezident Saakaşvilini ittiham edib.

“Hüquqi forma (2008-ci il müharibəsinin şəraitini aydınlaşdırmaq üçün) fərqli ola bilər. Ola bilər ki, prokurorluğa iddia qaldırılsın, parlamentin istintaq komissiyası yaradılsın, Konstitusiya Məhkəməsinə ərizə verilsin.

Hər şeyi haqda ictimaiyyətə məlumat veriləcək. Amma əsas odur ki, 2008-ci ildə Mixail Saakaşvili rejiminin “Milli Hərəkat”ı tərəfindən törədilən cinayət sona qədər araşdırılmalıdır”, - Kobaxidze bildirib.

Tural