Region

Rusiya bu məhsuldan rekord miqdarda aldı - Türkiyədən

3 Dekabr 2024 13:42

Oktyabrda Rusiya Türkiyədən 57,2 milyon dollar dəyərində rekord məbləğdə balıq alıb ki, bu da ötən illə müqayisədə təxminən 220 faiz artım deməkdir.

Publika.az xəbər verir ki, “RİA Novosti” bu barədə Türkiyə statistika xidmətinin məlumatlarına istinadən məlumat yayıb.

Ümumilikdə, on ayda pul ifadəsində alışların həcmi bir il əvvəlki 323,3 milyon dollara qarşı 356,1 milyon dollara çatıb, yəni oktyabrda tədarüklər kəskin artıb.

Rusiya idxalçılarına dondurulmuş alabalıq (2,8 dəfə, 44 milyon dollar), təzə alabalıq (23 faiz, 7,2 milyon dollar) və levrek (3 dəfə, 1,05 milyon dollar) satışı digər mallardan daha çox artıb. Bütövlükdə oktyabrda Türkiyənin balıq ixracının üçdə biri Rusiyanın payına düşüb.

Türkiyə tədarükçüləri üçün ixrac həcminə görə ikinci yerdə İtaliya (17,3 milyon dollar), üçüncü yerdə isə Niderland (16,3 milyon dollar) qərarlaşıb.

Tural