İdman

Əfsanə Messi ilə Maradonanı müqayisə etdi

15 Noyabr 2026 09:10

Polşa futbolunun əfsanəsi Zbiqnev Bonek Dieqo Maradona və Lionel Messini müqayisə edib.

Publika.az xəbər verir ki, Bonek bu barədə “Corriere dello Sport”a verdiyi müsahibədə danışıb:

“Bunlar iki mütləq fenomendir, amma aralarında əhəmiyyətli bir fərq var. Dieqo qayda pozuntularının adi hal olduğu bir dövrdə futbol oynayırdı, Lionel isə meydanda heç kimə toxunmaq mümkün olmadığı bir dünyada oynayırdı. Müdafiəçilərin Maradonaya münasibəti bu günlə müqayisə edilə bilməz. Dieqo çox çətin bir həyat sürsə də, unikaldır. Seçim etməli olsaydım, həmişə Maradonanı seçərdim.

Sizə bir hekayə danışacağam: “Yuventus” “Napoli” ilə oynayırdı və ilk hissənin sonunda paltardəyişmə otağına girdik və kimsə dedi: “Maradonaya bir neçə yumruq vurmalıyıq, əks halda o, istədiyini edər”.

Biz meydançaya çıxardıq, amma heç kim ona toxunmadı, çünki ona çox heyran idik. O, sadəcə olaraq çox yaxşı idi. Dieqo həm də yaxşı oğlan idi, çox xoş xasiyyətli biri idi. Mən ona heyran idim”.