Paşinyan Vaşinqtonda bu arzusunu açıqladı: İstəyirəm ki, ABŞ...

Ermənistanın baş naziri Paşinyan bildirib ki, Vaşinqtonun dəstəyi ABŞ siyasi elitasının Cənubi Qafqazda sülh gündəminə yardımından ibarət olmalıdır.

Publika.az xəbər verir ki, Paşinyan bunu Amerika paytaxtında “Ermənistanı xilas et” təşkilatının (Ermənistana yardım edən fondları, xeyriyyə layihələrini, icmaları və qeyri-kommersiya təşkilatlarını birləşdirən platforma) təşkil etdiyi qəbulda deyib.

"ABŞ nöqteyi-nəzərindən Ermənistanı dəstəkləmək üçün ən təsirli vasitənin nə olduğunu soruşsanız, deyəcəyəm ki, Cənubi Qafqazda sülhün əldə edilməsi gündəliyinin siyasi elitanın prioritetləri sırasına daxil edilməsi çox vacib olardı. İnsanların azadlıqlarını qorumaq üçün ən yaxşı vasitənin sülh olduğuna inanıram”, - Paşinyan bildirib.

Onun sözlərinə görə, müxtəlif insan hüquqlarının pozulması üçün münaqişə mühiti ən əlverişlidir və buna görə də Ermənistan hakimiyyəti sülh gündəminə diqqət yetirib. O əmin olduğunu bildirib ki, ki, Cənubi Qafqazda yalnız sabit sülh demokratiyanın inkişafı və insan hüquqlarının müdafiəsi üçün lazımi mühiti təmin edə bilər.

Tural