İstanbul sahillərində kamikadze PUA TAPILDI - Partlayıcılarla doludur / VİDEO

Türkiyənin İstanbul ətrafı Şilə çimərliyində Ukraynaya məxsus kamikadze PUA tapılıb.

Publika.az xəbər verir ki, bu barədə "Hürriyət" qəzeti məlumat yayıb.

Nəşrin məlumatına görə, Qara dənizin Uzunkum çimərliyində istirahət edən vətəndaşlar Ankara vaxtı ilə saat 14:30 radələrində PUA-ya bənzəyən obyekt aşkarlayıblar və panikaya düşüblər. Dərhal aidiyyəti qurumlara məlumat veriblər.

"Obyektin haradan gəldiyi hələ dəqiq müəyyən edilməyib, lakin o, Ukraynanın kamikadze PUA-larına bənzəyir və partlayıcılarla doludur. İstehkamçılar onu yoxlayacaqlar", - nəşr yazır.

Hadisə yerinə bomba zərərsizləşdirilməsi üzrə mütəxəssislər cəlb olunub. PUA ətrafı təhlükəsizlik məqsədilə müvəqqəti olaraq mühasirəyə alınıb. Ekspertlərin fikrincə, dron partlayıcılarla təchiz oluna bilər, lakin bu məlumat hələlik qəti şəkildə təsdiqini tapmayıb.

Türkiyənin digər KİV-ləri aşkarlanan cihazın fotoşəkillərini dərc edib. Qurğunun gövdəsini quyruq hissəsi yoxdur və qanadları qismən qırılıb. PUA-nın burnunda motorlu pərvanə, eləcə də daxili avadanlığın digər elementləri görünür.

Hüseyn İbadlı