Əraqçi Fransaya səfər planlaşdırır - Hansı məsələlər müzakirə olunacaq?

İranın xarici işlər naziri Abbas Əraqçi yaxın günlərdə Fransaya səfər etməyi planlaşdırır.

Publika.az xəbər verir ki, bu barədə "Mehr" agentliyi məlumat yayıb.

Bu həftə baş tutacaq Paris səfərində ikitərəfli məsələlərin və regional hadisələrin müzakirəsi gözlənilir.

Bildirilir ki, Əraqçi Kimyəvi Silahların Qadağan edilməsi Təşkilatının (OPCW) Niderlandda keçirilən illik toplantısında iştirak etdikdən sonra Fransaya səfər edəcək.

Qeyd olunur ki, Paris görüşləri İranın mövqeyini və qanuni tələblərini təqdim etmək üçün mühüm platforma rolunu oynayacaq.

Məlumata görə, səfər zamanı həmçinin İran vətəndaşı Mehdieh Esfandiarinin məsələsi də müzakirə olunacaq.

Qeyd edək ki, İran vətəndaşı Mehdieh Esfandiari fevral ayında Fransada sosial şəbəkələrdə terrorizmi təbliğ etməkdə ittiham olunaraq həbs edilib. Daha sonra onun məhkəmə nəzarəti altında azadlığa buraxılması qərarı Paris prokurorluğu tərəfindən təsdiqlənib, lakin məhkəmə onu həbsdə saxlamağa qərar verib.

Adəm