Taleyin ümidinə qalan HAVA LİMANI: 51 ildir təyyarə səsinə həsrət qalıb - VİDEO

Bu hava limanından 1974-cü ildən bəri tək bir təyyarə belə qalxmayıb.

Publika.az xəbər verir ki, 1963-cü ildən etibarən Kiprdə artan siyasi böhran və icmalararası zorakılıq türk və yunan kiprliləri arasında ikili icma hökumətinin süqutuna səbəb oldu, adada gərginlik on il davam etdi və 1974-cü ildə dramatik zirvəyə çatdı.

15 iyul 1974-cü ildə Yunan xuntasının çevrilişindən sonra Türkiyə 20 iyulda "Kipr Sülh Əməliyyatı" adlı hərbi əməliyyata başladı.

Lefkoşa Hava Limanı strateji əhəmiyyətinə görə kritik bir döyüş meydanına çevrildi.

Döyüşlər 16 avqustda Birləşmiş Millətlər Təşkilatının müdaxiləsi ilə başa çatdı. Hava limanına ağır ziyan dəydi və mülki istifadə üçün təhlükəli hala gəldi.

Atəşkəsdən sonra hava limanı bufer zonası olaraq Birləşmiş Millətlər Təşkilatının nəzarəti altına keçdi və bu gün də eyni ərazidə qalır.

Bu videoda Birləşmiş Millətlər Təşkilatının icazəsi ilə "BBC Türkiyə"nin ziyarət etdiyi bu hava limanının fövqəladə hekayəsi əks olunur:

Hüseyn İbadlı