Türkiyədən Rusiya qazı ilə bağlı vacib qərar: Hədəf nədir?

Türkiyə 2025-ci ilin sonunda başa çatan ümumi həcmi 22 milyard kubmetr olan Rusiya qazı üçün müqavilələrini bir il müddətinə uzaddığını açıqlayıb.

Publika.az xəbər verir ki, bu barədə Türkiyənin energetika naziri Alparslan Bayraktar məlumat verib.

Avropada Rusiya qazının sonuncu əsas idxalçısı olan Ankara, qarşıdakı illərdə gözlənilən qlobal tədarük profisitini gözləyərək eyni vaxtda bir sıra uzunmüddətli LNG tədarükü müqavilələri imzalayıb. Bu yeni təchizatların əhəmiyyətli bir hissəsi ABŞ-dan gələcək.

“Dövlət şirkəti BOTAŞ Rusiya ilə müqaviləsini uzadıb”, - Alparslan Bayraktar bildirib.

"Qazprom” tədarükü gələn il də davam edəcək, lakin biz daha qısa müddətə - təqribən bir ilə fokuslanırıq", - Bayraktar əlavə edib.

Türkiyənin İrandan 2026-cı ilin iyulunda başa çatacaq 10 milyard kubmetr qazın idxalı ilə bağlı da danışıqlar apardığını deyən energetika naziri əlavə edib ki, İran vasitəsilə nəql edilən Türkmənistan qazının həcminin artırılması da müzakirə olunan məsələlər arasındadır.

Bayraktar, "Mövqeyimizi təmin etmək və tam dəyər zənciri yaratmaq üçün ABŞ bazarında istehsal zəncirinin yuxarı seqmentlərinə investisiya etməyi nəzərdən keçiririk" deyib.

Dövlətə məxsus TPAO ABŞ-ın enerji nəhəngləri, o cümlədən “Chevron” və “Exxon” ilə danışıqlar aparır və saziş yanvarın əvvəlində bağlana bilər.

Tural