Rusiyalı dənizçilər İranda girov saxlanılır: Nə baş verir?

Rusiya dənizçiləri İran limanında gəminin göyərtəsində sıxışaraq çətin vəziyyətdə qalıblar.

Publika.az "Shot" "Telegram"a istinadən xəbər verir ki, onlara altı aydır maaş verilmir və üstəgəl gəmidən enmək də qadağandır.

Ekipaj üzvlərindən birinin sözlərinə görə, dənizçilər altı ay əvvəl İran şirkəti ilə rəsmi müqavilə imzalayıblar. Müqavilədə onların dörd ay işləyəcəkləri, beşinci ayda gəmini tərk edə biləcəkləri ilə bağlı bənd olub.

Bildirilir ki, müqavilə şərtlərinə baxmayaraq, işəgötürən ödənişləri gecikdirərək şərtləri pozmağa başlayıb. Sentyabrda gəmi İranın Əmirabad limanına çatıb, lakin ekipajın düşməsinə icazə verilməyib, faktiki olaraq girov saxlanılıb.

Qeyd edək ki, dənizçilərin səhhəti də təhlükə altında qalıb. Belə ki, onlardan birinin sağlamlıq vəziyyəti olduqca ağırlaşıb. Oktyabr ayında isə rusiyalı dənizçi tibbi məzuniyyət üçün müraciət etsə də, şirkət rəhbərliyi onun xahişinə məhəl qoymayıb.

Son məlumata görə, dənizçilər hələ də gəmidə maaş almadan qalırlar və evə qayıtmaq üçün heç bir şans yoxdur.

Adəm