Ermənistanda “keşiş ovu” - Xaçatryan haqqında da həbs qərarı verildi

Ermənistan məhkəməsi cümə axşamı saxlanılan Eçmiədzin dəftərxanasının rəhbəri, arxiyepiskop Arşak Xaçatryan haqda iki aylıq həbs qətimkan tədbiri seçib.

Publika.az xəbər verir ki, qərar hakim Masis Melkonyan tərəfindən çıxarılıb və bununla da müstəntiqlərin vəsatəti təmin edilib.

Xaçatryan dekabrın 4-də saxlanılıb, bu barədə vəkili Arsen Babayan məlumat verib.

Vəkil bildirib ki, müstəntiqlərin fikrincə, 2018-ci ildə yepiskop guya kiməsə bütün ermənilərin katolikosu II Qareginin taxtdan əl çəkməsi tələbi ilə etiraz aksiyası keçirən fəalın çantasına narkotik maddə atması əmri verib. Xaçatryanın bunu etirazçıları gözdən salmaq üçün etdiyi iddia edilir. Vəkil onu da qeyd edib ki, ona qarşı irəli sürülən ittihamın (narkotik alveri) istintaqın özünün təsvir etdiyi hadisə ilə heç bir əlaqəsi yoxdur.

Qeyd edək ki, bu, artıq erməni kilsəsinin nəzarətə götürülən dördüncü yüksək rütbəli iyerarxıdır.

Erməni Apostol Kilsəsinin Şirak yeparxiyasının rəhbəri arxiyepiskop Baqrat Qalstanyan, arxiyepiskop Mikael Ajapaxyan və Araqatsotn yeparxiyasının primatı yepiskop Mkrtiç Proşyan hazırda istintaq təcridxanasındadır.

Tural