Region

Putin Türkiyəyə nə zaman səfər edəcək?

16 Dekabr 2025 21:12

Rusiya Prezidenti Vladimir Putinin Türkiyəyə rəsmi səfərinin 2026-cı ildə baş tutacağı gözlənilir.

Publika.az xəbər verir ki, bu barədə "RIA Novosti"yə Türkiyədəki diplomatik mənbə məlumat verib.

“Mənbə bildirib ki, Rusiya liderinə dəvət ən yüksək səviyyədə səsləndirilib. Biz bu səfəri gözləyirik və ümid edirik ki, o, gələn il reallaşacaq”, – deyə agentliyin həmsöhbəti bildirib.

O qeyd edib ki, səfərin dəqiq tarixləri hələ müəyyənləşdirilməyib.

Dekabrın 12-də Rusiya Prezidentinin mətbuat katibi Dmitri Peskov Vladimir Putinin Türkiyəyə səfər üçün qüvvədə olan dəvətin olduğunu açıqlayıb. Onun sözlərinə görə, imkan yarandığı halda belə bir səfər təşkil ediləcək.

Peskov vurğulayıb ki, iki ölkənin liderləri “ünsiyyət çatışmazlığından əziyyət çəkmirlər”. Bundan əlavə, Rusiya ilə Türkiyə arasında üçüncü ölkələrin təzyiqlərinə qarşı durmağa imkan verən “çoxşaxəli münasibətlər” mövcuddur.

Hüseyn İbadlı