Region

“Qanlı dəniz”: İranda quraqlıqdan sonra yağan yağışlar suyun rəngini dəyişdi - VİDEO

18 Dekabr 2025 13:20

Hörmüz adasının çimərliyindəki su qırmızıya çevrilərək “qan dənizi” illüziyası yaradıb.

Publika.az xəbər verir ki, yerli medianın verdiyi məlumata görə, uzun sürən quraqlıqdan sonra İrana güclü yağışlar yağıb.

Hörmüz, Hörmüz boğazının şimal hissəsində yerləşən bir adadır. Buradakı torpaq və qayalar yüksək miqdarda dəmir oksidi ehtiva edir və bu da yağış zamanı suya qırmızı rəng verir.

Qeyd etmək lazımdır ki, İran Meteorologiya Xidməti əvvəllər ölkədə "son 50 ilin ən quraq payızı" yaşandığını açıqlamışdı. Yağıntı səviyyəsi uzunmüddətli orta göstərici ilə müqayisədə 89% azalıb.

Yaxın Şərqdə azalan su ehtiyatları və iqlim dəyişikliyinin təsirləri ölkələr arasında yağış yaratmaq üsulları ilə bağlı gərginliyi artırır. İran hakimiyyəti əvvəllər İsraili və BƏƏ-ni bulud toxumları vasitəsilə "yağışa müdaxilə etməkdə" günahlandırmış və buludların İrana çatmadan əvvəl yağıntıya çevrildiyini iddia etmişdi.

Tural