Paşinyan yenə də Rusiyaya gedir: Qərbə qarşı mübarizə aparmaq üçün

Ermənistanın baş naziri Nikol Paşinyan 21 dekabrda Sankt-Peterburqda keçiriləcək Ali Avrasiya İqtisadi Şurasının iclasında iştirak edəcəyini açıqlayıb.

Publika.az xəbər verir ki, Paşinyan bu barədə hökumət brifinqi zamanı jurnalistlərə bildirib.

"Gələn bazar günü beynəlxalq tədbirdə, Avrasiya İqtisadi Birliyinin Ali Şurasının iclasında iştirak etmək üçün səfərim planlaşdırılıb", - Paşinyan deyib.

Görüş, 21-22 dekabr tarixlərində Sankt-Peterburqda keçiriləcək MDB liderlərinin qeyri-rəsmi görüşü ilə üst-üstə düşür.

Birlik ölkələri arasında qarşılıqlı əlaqələrin cari məsələləri müzakirə olunacaq: iqtisadi əməkdaşlıq, texnoloji və ərzaq təhlükəsizliyinin təmin edilməsi, əmək miqrasiyasının tənzimlənməsi, sanksiya təzyiqlərinə və MDB ölkələrinin daxili siyasətinə Qərbin müdaxilə cəhdlərinə qarşı mübarizə, cinayətkarlıq və terrorizmlə mübarizədə əməkdaşlıq, könüllü hərəkatlar arasında qarşılıqlı əlaqə, vahid mədəni və humanitar məkanın qorunması və vətəndaşlar arasında mübadilənin genişləndirilməsi.

Tural