Nə qədər ki, diplomatiyanın qapısı açıqdır, ümid var - Ərdoğan

İrana qarşı yeni müharibə regiona fayda verməyəcək, əksinə, uduzan tərəf olacaq.

Publika.az xəbər veri ki, bunu Türkiyə prezidenti Rəcəb Tayyib Ərdoğan İran və ABŞ arasındakı gərginliklə bağlı fikirlərini açıqlayarkən deyib.

"İran və ABŞ arasındakı problemlərin dialoq yolu ilə həll olunmasını istəyirik. Hər iki ölkə ilə yüksək səviyyəli əlaqələr saxlayırıq", - deyə Türkiyə lideri bildirib və əlavə edib ki, İran və ABŞ prezidentləri ilə telefon danışıqları aparıb.

"Biz divarlar tikmirik və ya münaqişələri qızışdırmırıq; əksinə, körpülər qururuq və sülh üçün təməl yaradırıq. İrana qarşı yeni müharibə heç kimə heç bir fayda gətirməyəcək; əksinə, bölgəmiz yalnız uduzacaq. Biz sülhün tərəfində qalırıq və bu məsələyə müsbət ümidlərlə yanaşırıq. Bu cür hərbi eskalasiyanın və gərginliyin artmasının bölgəmizdə daha böyük qeyri-müəyyənliyə səbəb olacağını izah etməyə davam edəcəyik. Nə qədər ki, diplomatiyanın qapısı açıqdır, ümid var. Biz bu ümidi qoruyub saxlayacağıq və gücləndirəcəyik", - deyə Ərdoğan əlavə edib.

Adəm